Xalq deputatlari Uchquduq tumani Kengashi kotibiyat mudiri M.Kamolova tomonidan Navoiy mahallasidagi ko‘p qavatli uylarda faoliyat yuritayotgan liftlarning ishlash holati yuzasidan o‘rganish olib borildi.

O‘rganish davomida mahalladagi 6 ta ko‘p qavatli uyda yangilangan liftlar hozirda to‘liq ishga tushirilgani hamda aholiga uzluksiz xizmat ko‘rsatib kelayotgani aniqlandi. Shuningdek, liftdan foydalaniladigan barcha ko‘p qavatli uylardagi liftlar to‘liq va soz holatda faoliyat yuritayotgani qayd etildi.

Jarayon davomida aholi bilan suhbatlar o‘tkazilib, kommunal xizmatlar sifati, liftlardan foydalanishdagi qulayliklar hamda mavjud ehtiyojlar yuzasidan fikr-mulohazalar tinglandi.

Mazkur o‘rganishlar aholining xavfsiz va qulay yashash sharoitlarini ta’minlash, ko‘p qavatli uy-joylardagi infratuzilma holatini muntazam nazorat qilib borish maqsadida amalga oshirilmoqda.