O‘zbekiston “Milliy tiklanish” demokratik partiyasi Sirdaryo viloyati vakillari tomonidan Xalq deputatlari Sardoba tumani Kengashi deputatlarining deputatlik so‘rovlari ijrosi yuzasidan o‘rganish ishlari amalga oshirildi.

O‘rganish jarayonida deputatlar tomonidan ko‘tarilgan masalalarning dolzarbligi, ularning ijrosi holati hamda aholi murojaatlari asosida bildirilgan taklif va muammolar atroflicha tahlil qilindi. Shuningdek, mas’ul tashkilotlar tomonidan so‘rovlarga o‘z vaqtida va sifatli javob qaytarilishi, belgilangan vazifalarning amaliy natijadorligiga alohida e’tibor qaratildi.

Aniqlangan kamchiliklar va mavjud muammolarni bartaraf etish bo‘yicha tegishli takliflar ishlab chiqilib, mas’ul idoralarga aniq topshiriqlar berildi. Mazkur o‘rganish ishlari deputatlik nazoratini kuchaytirish, aholi manfaatlarini himoya qilish hamda hududdagi ijtimoiy-iqtisodiy masalalarning samarali hal etilishini ta’minlashga xizmat qiladi.