Xalq deputatlari Sardoba tumani Kengashi deputati A. Muxammadiyev tomonidan hududda istiqomat qiluvchi yoshi ulug‘ fuqarolar holidan xabar olish maqsadida manzilli tashrif amalga oshirildi.

Tashrif davomida keksalarning turmush sharoiti, salomatligi va kundalik ehtiyojlari bilan yaqindan tanishilib, ularning hol-ahvoli so‘raldi. Samimiy muloqot jarayonida keksa avlod vakillarining hayotiy tajribasi va jamiyatdagi o‘rni alohida e’tirof etildi.

Shuningdek, fuqarolar tomonidan bildirilgan muammo va takliflar diqqat bilan tinglanib, ularni hal etish yuzasidan amaliy choralar ko‘rish masalalari belgilab olindi. Ayrim ehtiyojmand keksalarga zarur ko‘maklar ko‘rsatildi.

Mazkur tashrif inson qadrini ulug‘lash, keksa avlod vakillariga hurmat-ehtirom ko‘rsatish va ularni har tomonlama qo‘llab-quvvatlash borasida amalga oshirilayotgan ishlar izchil davom etayotganini yana bir bor namoyon etdi