Xalq deputatlari Guliston shahar Kengashi deputati Qobil To‘rayev tomonidan yoshlar sport bilan shug‘ullanishi uchun yaratilgan sharoitlarni o‘rganish maqsadida Guliston shahri Ahillik mahallasida joylashgan 11-son umumta’lim maktabida monitoring o‘tkazildi.

🔸O‘rganish davomida maktabning sport zali, undagi sport anjomlari mavjudligi, jihozlarning texnik holati hamda o‘quvchilar uchun yaratilgan sport infratuzilmasi atroflicha ko‘zdan kechirildi.

🔺Shuningdek, deputat tomonidan sport zali atrofida mavjud bo‘lgan bo‘sh hududlardan yanada samarali foydalanish, ushbu maydonlarni qo‘shimcha sport va sog‘lomlashtirish infratuzilmasiga moslashtirish yuzasidan takliflar bildirildi.

Ta’kidlanganidek, ta’lim muassasalarida mavjud imkoniyatlardan oqilona foydalanish hamda sport infratuzilmasini kengaytirish yoshlarning jismoniy kamoloti va sportga bo‘lgan qiziqishini oshirishda muhim omil hisoblanadi.

O‘rganish yakunlari bo‘yicha aniqlangan masalalar yuzasidan tegishli tavsiyalar berilib, bu boradagi ishlar deputatlik nazoratida davom ettirilishi bildirildi.

✅Yoshlar uchun yaratilayotgan har bir sport maydoni — kelajak avlod salomatligiga qaratilgan sarmoyadir.