Uchrashuvda xalq deputatlari viloyat Kengashi kotibiyat mudiri Sh.Boyqulov, Hududiy saylov komissiyasi raisi o‘rinbosari X.Samatov, deputat A.Xasanov okrugiga qarashli Sho'rchi tumanining "Guliston”, "Konabod" va "Tolli" mahallalarida istiqomat qiluvchi fuqarolar hamda tegishli mas'ullar, mahalla yettiligi vakillari ishtirok etdi.

▫️Tadbirlar davomida deputat Azizbek Xasanov o'z saylovchilariga joriy yilning o'tgan davri mobaynidagi faoliyati, bugungi olib borilayotgan islohot va yangiliklar yuzasidan axborot berdi. Xususan, turli masalalarda jami 13 ta deputat so'rovi yuborilgan bo'lib, shundan, 8 tasi ijobiy hal etilganligi, 2 tasiga huquqiy tushuntirish berilgan va 3 tasi jarayonda ekanligi ta'kidlandi.

▫️Uchrashuvda mahalladagi 14-sonli maktabda bolalar sonining oshganligi sababli qo'shimcha bino qurishga ehtiyoj borligi, elektr-energiyasida uzilishlar va gaz balonlarning o'z vaqtiga kelmasligi kabi muammolar aytildi. Mavjud muammolar deputat tomonidan bugunni o'zidan nazoratga olib tegishli choralar ko'rilishi, deputatlik so'rovlari yuborilishi belgilandi.