🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Kengash raisi O.Babayev, kotibiyat mudiri J.Sadirov, kotibiyat xodimi M.Tursunbayeva tomonlaridan tuman markazi G‘azalkent shahrida joylashgan “Bog‘i Eram” istirohat bog‘i amalga oshirilayotgan qurilish-ta’mirlash ishlari o‘rganildi.

🔷O‘rganish davomida bog‘ hududida olib borilayotgan obodonlashtirish ishlari, jumladan, yo‘laklar ta’miri, yashil hududlarni tartibga keltirish, yoritish tizimini yangilash, bolalar o‘yin maydonchalari hamda dam olish uchun mo‘ljallangan infratuzilmaning barpo etilishi atroflicha ko‘zdan kechirildi. Shuningdek, qurilish ishlarida qo‘llanilayotgan materiallar sifati, xavfsizlik qoidalariga rioya qilinishi va belgilangan loyiha talablariga muvofiqlik masalalariga alohida e’tibor qaratildi.

🔷Shuningdek, qurilish ishlarini amalga oshirayotgan “Yuksak Ta’lim Ta’mir” MChJ pudratchi tashkilot vakillari bilan suhbatlashilib, ishlar jadvali, bajarilish sur’ati hamda yuzaga kelayotgan muammolar muhokama qilindi.

🔷Shu bilan birga, qurilish-ta’mirlash ishlarini belgilangan muddatlarda sifatli yakunlash, fuqarolar uchun qulay va zamonaviy dam olish maskanini yaratish muhimligini ta’kidladi. Aniqlangan kamchiliklarni bartaraf etish, ishlarning samaradorligini oshirish hamda jamoatchilik manfaatlarini inobatga olgan holda ish olib borish yuzasidan tegishli tavsiyalar berildi.

🔷O‘rganish yakuniga ko‘ra, mazkur obyektdagi ishlar doimiy deputatlik nazoratiga olinib, belgilangan reja asosida ularning ijrosi ta’minlanishi yuzasidan mas’ullarga aniq topshiriqlar berildi.