Kengash deputati O.Lapasova hamda kotibiyat bosh mutaxassisi R.Mamashukurov shahardagi “Shifokor” mahallasida bo‘lib, mahalla faollarining bugungi kundagi ish faoliyati bilan yaqindan tanishdilar.

💬 Tahlil markazida:

Mahalla raisi faoliyati: Hududda "mahalla yettiligi" tizimini samarali muvofiqlashtirish, aholi murojaatlari bilan ishlash hamda ijtimoiy-ma’naviy muhit barqarorligini ta’minlash borasidagi ishlari ko‘rib chiqildi.

Ijtimoiy xodim faoliyati: Ijtimoiy himoyaga muhtoj oilalar, yolg‘iz keksalar va nogironligi bo‘lgan shaxslarga ko‘rsatilayotgan xizmatlarning manzilliligi, ularni ijtimoiy reyestrga kiritish va muammolarini hal etish choralari tahlil qilindi.

✔️Jarayon davomida aniqlangan masalalarni tizimli hal etish, aholining ko‘makka muhtoj qatlamini har tomonlama qo‘llab-quvvatlash maqsadida deputat va mahalla mas’ullari o‘rtasida ishlarni hamkorlikda tashkil etish va doimiy ma’lumot almashish belgilab olindi.

🫥Maqsad — “Inson qadri uchun” tamoyili asosida har bir fuqaroning dardu tashvishiga quloq tutish va mahalla darajasida muammolarga adolatli yechim topishdir.