Xalq deputatlari Andijonviloyat Kengashi deputatlari O. Nosirov va Q. Qo‘ziyev, shuningdek, Jalaquduq tuman Kengashi kotibiyati mudiri I.Juraevlar tuman Kengashining 2026-yil 19-martdagiVII-16-22-1-21-K/26-sonli qarori ijrosi yuzasidan “Neftchilar” va “Dostonobod” mahallalarida amalga oshirilayotgan ishlarni o‘rgandilar. O‘rganishlar davomida mazkur hududlarda infratuzilmani rivojlantirish, aholi turmush farovonligini oshirish va tadbirkorlik muhitini yaxshilash borasida muayyan ishlar amalga oshirilayotgani qayd etildi. Jumladan, “Neftchilar” mahallasida 5,4 km, “Dostonobod” mahallasida 5,3 km ichki yo‘llar asfaltlashtirilib, hududlarni obodonlashtirish
doirasida yo‘l yoqalariga manzarali va gul ko‘chatlari ekish ishlari tashkil etilmoqda. Shuningdek, elektr ta’minotini yaxshilash maqsadida “Dostonobod” mahallasiga 88 dona, “Neftchilar” mahallasiga 26 dona beton ustunlar yetkazib berilgan. Xatlov natijalariga muvofiq, “Dostonobod” mahallasida 62 nafar, “Neftchilar” mahallasida 32 nafar ishsiz fuqarolarning bandligi ta’minlanib, aholi daromadlarini oshirishga qaratilgan amaliy choralar ko‘rilgani ta’kidlandi. “O‘g‘ir” mahalla sifatida e’tirof etilgan ushbu hududlarda aholi uchun munosib yashash sharoitlarini yaratish, ijtimoiy-iqtisodiy barqarorlikni mustahkamlash hamda tadbirkorlik faoliyatini qo‘llab-quvvatlash bo‘yicha ishlar izchil davom ettirilmoqda. Shu bilan birga, mas’ullarga mavjud muammolarni bartaraf etish, ijro intizomini kuchaytirish va belgilangan vazifalarning o‘z vaqtida hamda sifatli bajarilishini ta’minlash yuzasidan aniq ko‘rsatmalar berildi