O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari to‘g‘risida”gi qarori ijrosi doirasida joylarda o‘rganish ishlari davom ettirilmoqda.

Mazkur jarayon doirasida Xalq deputatlari Yunusobod tuman Kengashi deputati Ibragimov Yo‘ldashbek Qo‘shchinor hamda Registon mahallalari fuqarolari ishtirokida muloqot o‘tkazdi.

Muloqot davomida hududdagi ishsizlik muammolari, xotin-qizlarni tadbirkorlik faoliyatiga jalb etish, shuningdek, oilalarda ajrimlarning oldini olish kabi dolzarb masalalar muhokama qilindi.

Bildirilgan taklif va murojaatlar deputat tomonidan o‘rganilib, ularni tegishli mas’ul tashkilotlar bilan hamkorlikda hal etish yuzasidan zarur choralar belgilandi.

Slide 1 of 3