“Ravot” mahallasidagi 4-sonli umumta’lim maktabida Sardoba tumani hokimi deputat Ziyadulla Karimov tomonidan “Ravot” hamda “Bo‘ston” mahallalari aholisi uchun sayyor qabul tashkil etildi.

Qabul davomida fuqarolar tomonidan ko‘tarilgan muammolar, taklif va murojaatlar bevosita tinglandi. Xususan, kommunal xizmatlar, infratuzilmani yaxshilash, bandlik, ijtimoiy yordam hamda boshqa dolzarb masalalar yuzasidan murojaatlar kelib tushdi.

Har bir murojaat atroflicha o‘rganilib, ularni ijobiy hal etish bo‘yicha mas’ul tashkilot va idora rahbarlariga aniq topshiriqlar berildi. Ayrim masalalar joyida hal etilgan bo‘lsa, qo‘shimcha o‘rganishni talab etadigan murojaatlar nazoratga olindi.

Sayyor qabul ochiq va samimiy muloqot ruhida o‘tkazilib, aholi bilan to‘g‘ridan-to‘g‘ri muloqot qilish, ularning dardini eshitish va amaliy yordam ko‘rsatish ustuvor vazifa ekani yana bir bor ta’kidlandi.