Fuqarolar murojaatlari deputat e’tiborida

O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari to‘g‘risida”gi qarori ijrosi doirasida joylarda o‘rganish ishlari davom ettirilmoqda.

Mazkur jarayon doirasida Xalq deputatlari Yunusobod tuman Kengashi deputati Hasanov Baxtiyor Vaxapovich O‘zbekiston Mustaqilligi MFY fuqarolari bilan uchrashuv o‘tkazdi.

Uchrashuv davomida mahalladagi mavjud muammolar, aholini qiynayotgan ijtimoiy-maishiy masalalar hamda fuqarolarning murojaatlari tinglandi.

Bildirilgan murojaatlar deputat tomonidan o‘rganilib, ularni tegishli mas’ul tashkilotlar bilan hamkorlikda hal etish yuzasidan zarur choralar belgilandi.

Bizni kuzatishda davom eting!