Халқ депутатлари Сардоба тумани Кенгаши депутати Б. Бекмуродов томонидан аҳоли мурожаатларини ўрганиш, жойлардаги муаммоларни аниқлаш ҳамда уларга ечим топиш мақсадида “Муаммо билан юзма-юз” тамойили асосида тарғибот-ташвиқот ишлари изчил давом эттирилмоқда.

Жумладан, Сардоба тумани Қуйитош, Халқобод маҳаллаларида ўтказилган учрашувлар давомида фуқароларнинг долзарб масалалари тингланиб, уларнинг мурожаатлари атрофлича ўрганилди. Аҳолини қийнаётган ижтимоий, иқтисодий ва инфратузилмага оид муаммолар юзасидан тегишли ташкилотлар билан ҳамкорликда амалий чора-тадбирлар белгилаб олинди.

Шунингдек, учрашувлар жараёнида фуқароларга мамлакатимизда амалга оширилаётган ислоҳотлар, қонунчиликдаги янгиликлар ҳамда ижтимоий қўллаб-қувватлаш чоралари ҳақида тушунтиришлар берилди. Бу каби мулоқотлар аҳоли билан очиқ ва самимий алоқани мустаҳкамлаш, мавжуд муаммоларни жойида ҳал этишга хизмат қилмоқда.