Xalq deputatlari Sardoba tumani Kengashi deputati S. Abduvaliyeva tomonidan Navro‘z mahallasida saylovchilar bilan uchrashuv tashkil etilib, fuqarolarning murojaatlari atroflicha tinglandi.

Uchrashuv davomida aholi tomonidan ijtimoiy soha, kommunal xizmatlar, yo‘l infratuzilmasi, bandlik masalalari hamda boshqa dolzarb muammolar yuzasidan ko‘plab taklif va murojaatlar bildirildi. Har bir murojaat diqqat bilan o‘rganilib, ularning yechimi yuzasidan tegishli tashkilotlar bilan hamkorlikda aniq choralar ko‘rish belgilab olindi.

Shuningdek, ayrim masalalar joyida hal etilib, murakkabroq muammolar yuzasidan mutasaddi idoralarga deputatlik so‘rovlari yuborilishi ma’lum qilindi. Fuqarolar bilan ochiq muloqot o‘rnatish, ularning dard-u tashvishlarini eshitish va amaliy yordam ko‘rsatish deputat faoliyatining ustuvor yo‘nalishlaridan biri ekanligi alohida ta’kidlandi.

Mazkur uchrashuv aholi bilan yaqin muloqotni mustahkamlash, mavjud muammolarni tizimli hal etish hamda fuqarolarning davlat organlariga bo‘lgan ishonchini yanada oshirishga xizmat qildi.