“Yangi hayot” mahallasida olib borilayotgan ishlar bilan tanishildi

🏢 Xalq deputatlari Qiziriq tumani Kengashi raisi J.Xudoyqulova 20-Yangi hayot saylov okrugidan saylangan deputat Ch.Normo'minovga biriktirilgan Kengash kotibiyati bosh mutaxassisi J.Donayev bilan birgalikda “Yangihayot” mahallasida bo‘lib, hududda amalga oshirilayotgan keng ko‘lamli ishlar bilan yaqindan tanishdi.

✨ Tashrif davomida, avvalo, mahalla yettiligi faoliyati o‘rganilib, aholi murojaatlari bilan ishlash, ijtimoiy muammolarni bartaraf etish hamda fuqarolar farovonligini oshirish borasida olib borilayotgan ishlar yuzasidan mas’ullar bilan suhbatlashildi.

⚡️ Shuningdek, mahallada aholi, ayniqsa yoshlar va bolalar uchun sport bilan shug‘ullanishga yaratilgan sharoitlar ko‘zdan kechirildi. Sport maydonchalari va mavjud infratuzilmaning holati o‘rganilib, bu boradagi ishlarni yanada kuchaytirish zarurligi ta’kidlandi.

🏫 Bundan tashqari, mahallada qurilishi davom etayotgan xususiy maktab hamda hiyobon qurilishi bilan ham tanishilib, olib borilayotgan bunyodkorlik ishlari, qurilish sifati va muddatlari muhokama qilindi. Ushbu obyektlarning foydalanishga topshirilishi hudud aholisi, ayniqsa yoshlar uchun yanada qulay shart-sharoitlar yaratishga xizmat qilishi qayd etildi.

🤝 Tashrif yakunida hududni yanada obod qilish, aholi uchun qulay shart-sharoitlar yaratish hamda mahalla infratuzilmasini rivojlantirish yuzasidan tegishli tavsiya va topshiriqlar berildi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

#J_Xudoyqulova #J_Donayev