Xalq deputatlari Parkent tumani Kengashiga 23-“Nomdanak” saylov okrugidan saylangan deputat, tuman hokimi Elmurod Po‘latov, tuman prokurori Qaxramon Mirsagatov, tuman Soliq inspeksiyasi boshlig‘i Abduvali Maxamatov hamda iqtisodiy jinoyatlarga qarshi kurashish bo‘limi rahbari va mutasaddi tashkilotlar vakillari ishtirokida tumandagi dehqon bozorida jamoatchilik nazorati o‘tkazildi. Tashrif davomida bozordagi narx-navolar barqarorligi, aholiga ko‘rsatilayotgan xizmatlar sifati, savdo rastalarida yaratilgan sharoitlar hamda sanitariya-gigiyena holati atroflicha o‘rganildi. Xususan nazorat-taxlil tadbiri davomida “Arzonlashtirilgan savdo yarmarkasi”dagi go‘sht, guruch, piyoz, sabzi, kartoshka va boshqa oziq-ovqat mahsulotlarining narxlariga alohida e'tibor qaratildi. Unda mutasaddi rahbarlar, sotuvchi va xaridorlar bilan suhbatlashildi. O‘rganishlar davomida tuman Kengashi deputati Elmurod Po‘latov tomonidan mahsulot narxlarini asossiz oshirmaslik, shuningdek, sanitariya-gigiyena qoidalariga amal qilgan holda savdo-sotiq ishlarini amalga oshirish yuzasidan tadbirkorlarga tushuntirishlar berildi. Bu kabi jamoatchilik nazoratlari davlat hokimiyati organlarining samarali faoliyat yuritishini ta’minlashda muhim rol o‘ynaydi.