Xalq deputatlari Parkent tuman Kengashining “Agrar, suv xo‘jaligi va ekologiya masalalari bo‘yicha doimiy komissiya” raisi Muxitdinov Xusnitdin Muxitdinovich hamda komissiya a’zosi Ismailov Qamariddin Abdurahimovichlar tomonidan Parkent tumani Veterinariya va chorvachilikni rivojlantirish bo‘limida jamoatchilik nazorati tartibida o‘rganish ishlari olib borildi. O‘rganish jarayonida tumanda veterinariya xizmati
faoliyati, chorvachilikni rivojlantirish, aholiga ko‘rsatilayotgan xizmatlar hamda sohaga oid amalga oshirilayotgan ishlar yuzasidan bo‘lim boshlig‘i S.Sottiyev bilan suhbat o‘tkazildi. Shuningdek, bo‘lim xodimlari bilan ham muloqot qilinib, ularning ish faoliyati, mavjud muammolar hamda kelgusidagi rejalar yuzasidan fikr almashildi. Shuningdek, deputatlar tomonidan “Veterinariya to‘g‘risida”gi O‘zbekiston Respublikasi Qonuniga o‘zgartish va qo‘shimchalar kiritish haqidagi qonunning tumandagi ijrosi yuzasidan ham atroflicha o‘rganish olib borildi. O‘rganish davomida sohani yanada rivojlantirish, chorva mollari salomatligini muhofaza qilish,
profilaktik tadbirlarni kuchaytirish hamda aholiga sifatli xizmat ko‘rsatishni ta’minlash bo‘yicha tegishli tavsiyalar berildi.