Xalq deputatlari Shirin shahar Kengashi deputatlari O. Egamberdiyeva va M. Salimova tomonidan Vatanparvar mahallasida “mahalla yettiligi” faoliyati o‘rganildi. 

️O‘rganish davomida bir qator kamchiliklar aniqlandi. Jumladan, nomenklatura asosida hujjatlar tekshirilganda papkalarga 2025–2026 yillardagi faoliyatga oid birorta ham hujjat tikilmaganligi ma’lum bo‘ldi. Shuningdek, hujjatlarni yuritishda tizimlilik yetishmasligi, ayrim yo‘nalishlar bo‘yicha hisobotlar o‘z vaqtida rasmiylashtirilmagani kuzatildi. 

️Bundan tashqari, mahalla raisining ish rejasi 2025 yilda qolib ketganligi, 2026 yil uchun yangi ish reja ishlab chiqilmagan va tasdiqlanmaganligi aniqlanib, natijada joriy yilga mo‘ljallangan ishlar aniq reja asosida tashkil etilmayotgani qayd etildi.

 Aniqlangan kamchiliklarni bartaraf etish yuzasidan mas’ullarga tegishli ko‘rsatmalar berilib, hujjatlarni tartibga keltirish hamda 2026 yil uchun ish rejasini ishlab chiqib, belgilangan tartibda tasdiqlash vazifalari yuklatildi.