Xalq deputatlari Shirin shahar Kengashi deputatlari O.Egamberdiyeva va M.Salimova tomonidan saylovchilar bilan uchrashuv o‘tkazildi. 

Uchrashuv davomida fuqarolar bilan ochiq muloqot tashkil etilib, hududda mavjud muammolar, aholini qiynayotgan ijtimoiy masalalar hamda infratuzilmani rivojlantirishga oid taklif va mulohazalar tinglandi.

Saylovchilar tomonidan yo‘l ta’miri, ichimlik suvi ta’minoti, elektr energiyasi uzluksizligi, kanalizatsiya tizimi holati, hududni obodonlashtirish, chiqindi muammosi, shuningdek bandlikni oshirish va yoshlar hamda xotin-qizlarni qo‘llab-quvvatlash masalalari yuzasidan murojaatlar bildirildi.

Deputatlar tomonidan har bir murojaat alohida qayd etilib, ularni tegishli tashkilotlar bilan hamkorlikda o‘rganish va ijobiy hal etish yuzasidan zarur chora-tadbirlar belgilandi. Aniqlangan muammolarni bartaraf etish bo‘yicha mas’ullarga aniq topshiriqlar berildi hamda ijrosi nazoratga olinishi ta’kidlandi.

Shuningdek, uchrashuv davomida hududda amalga oshirilayotgan ishlar haqida ma’lumot berilib, kelgusida rejalashtirilayotgan loyihalar yuzasidan ham tushuntirishlar berildi. Fuqarolar tomonidan bildirilgan taklif va tashabbuslar qo‘llab-quvvatlanib, ularni amaliyotga joriy etish muhimligi qayd etildi.

Yakunda deputatlar saylovchilar bilan doimiy muloqotni davom ettirish, aholi murojaatlarini o‘z vaqtida ko‘rib chiqish hamda mavjud muammolarga tezkor va samarali yechim topish ustuvor vazifa ekanligini bildirib o‘tdilar.