Xalq deputatlari Mirzo Ulug‘bek tuman Kengashi deputati Kurbanova Shoxzoda Nashpanovna okrugidagi 171-, 241-sonli umumta’lim maktablari va 332-sonli DMTT faoliyatini o‘rganish maqsadida ushbu tashkilotlarga tashrif buyurdi.

O‘rganishlar jarayonida maktabgacha ta’lim tashkilotlaridagi bolalar qamrovi, sog‘lom ovqatlantirish tartibi, oziq-ovqat mahsulotlarini saqlash va tayyorlash jarayonlarining sanitariya me’yorlariga mosligi, oshxona, ta’minot va nazorat tizimlaridagi shaffoflik, sifat uzluksizligini ta’minlash holati ko‘rib chiqildi. 

Deputat tomonidan maktab va tashkilot rahbarlari bilan bolalarga yaratilgan sharoitlar, ish jarayonlaridagi mavjud muammolar va oziq-ovqat mahsulotlari ta’minotidagi kamchiliklarni bartaraf etish bo‘yicha suhbatlar o‘tkazilib, ta’lim sifati va samaradorligini yangi bosqichga olib chiqish, sohada raqobatbardosh, yuqori malakali pedagog kadrlar zahirasini shakllantirish yuzasidan tavsiyalar berildi.