Mahalla yettiligi faoliyati o‘rganildi 

Xalq vakilligi va mahalliy boshqaruv tizimining
samaradorligini oshirish maqsadida, Xalq deputatlari Qo‘shko‘pir tuman Kengashi
kotibiyati bosh mutaxassisi S. Matyaqubova hamda deputat O. Artiqova Qadriyat
mahallasida faoliyat olib borayotgan yettlik tizimi ishini o‘rganish maqsadida joyiga chiqishdi. 

Uchrashuv davomida mahalla faollarining hududda
ijtimoiy-ma’naviy muhitni mustahkamlash, aholi muammolarini aniqlash va ularni
bartaraf etish borasidagi ishlari atroflicha muhokama qilindi. Deputat tomonidan
olib borilayotgan ishlarning samaradorligi, aholining ishonchini mustahkamlash
hamda davlat siyosatini joylarda izchil amalga oshirish masalalariga alohida
e’tibor qaratildi. 

Shuningdek, mas’ullar tomonidan mahalla yettiligining
faoliyati yuzasidan taqdim etilgan axborotlar tinglanib, mavjud muammolar va
ularning yechimlari yuzasidan takliflar bildirildi. Bu kabi ochiq muloqotlar
joylarda xalq manfaatlarini ta’minlashda muhim omil ekani ta’kidlandi.