Boyovut tumani tajribasi asosida ishlab chiqilgan “Yo‘l xarita” hamda uning doirasida “Yo‘l-transport infratuzilmasi va muhandislik-kommunikatsiya tarmoqlarini qurish, rekonstruksiya qilish va modernizatsiyalash” yo‘nalishida belgilangan vazifalar ijrosi yuzasidan deputat G.Sayitqulova tomonidan o‘rganish ishlari olib borildi.

Xususan, “Yo‘l xarita”ning 20-bandida nazarda tutilgan Boyovut tumani “Yangi avlod” mahallasida joylashgan “Yangi O‘zbekiston” massivining ichki yo‘llarini qurish loyihasi doirasida amalga oshirilayotgan ishlar joyiga chiqqan holda o‘rganildi. Mazkur loyiha O‘zbekiston Respublikasi Prezidentining 2025-yil 27-dekabrdagi PQ-393-sonli qaroriga muvofiq, Sirdaryo mintaqaviy yo‘llarga buyurtmachi xizmati Davlat muassasasi buyurtmachiligida amalga oshirilmoqda.

Hozirgi kunda Boyovut tumanining “Yangi avlod” mahallasida joylashgan “Yangi O‘zbekiston” massivida ichki yo‘l infratuzilmasini yaxshilash ishlari izchil davom etmoqda.