🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov va siyosiy partiyaning tuman kengashi raisi E.Sarimsoqov tomonlaridan tumandagi Chirchiq sohilida yuzaga kelgan ekologik holat o‘rganildi.

🔷O‘rganish jarayonida daryo sohiliga qurilish chiqindilari noqonuniy ravishda tashlab ketilgani aniqlandi. Bu holat nafaqat atrof-muhitga, balki aholi salomatligi va suv resurslarining tozaligiga ham salbiy ta’sir ko‘rsatayotgani qayd etildi.

🔷Deputat tomonidan mas’ul tashkilotlarga:

      chiqindilarni zudlik bilan bartaraf etish,

      ushbu hududda nazoratni kuchaytirish,

      bunday holatlarning oldini olish bo‘yicha profilaktik choralarni ko‘rish yuzasidan tegishli topshiriqlar berilishi belgilandi.

🔷Shuningdek, fuqarolar o‘rtasida ekologik madaniyatni oshirish va tabiatga ehtiyotkor munosabatni shakllantirish zarurligi alohida ta’kidlandi.