Xalq deputatlari Jondor tumani Kengashi deputati I.Xolov tomonidan Boliob MFY Oltinko‘za qishlog‘idagi aholini qiynab kelayotgan elektr ta’minoti muammosi o‘rganildi. Joylardagi uchrashuvlar va fuqarolar murojaatlari asosida mazkur hududdagi transformatorning eskirgani hamda quvvati talabga javob bermayotgani aniqlandi.

✔️Ushbu masala yuzasidan deputat tomonidan tuman elektr ta’minoti korxonasiga rasmiy deputat so‘rovi yuborildi. Murojaatni ko‘rib chiqqan mutasaddi tashkilot tomonidan bildirilishicha, mazkur transformatorni yangilash ishlari belgilangan tartibda 2026 yil dasturiga kiritilgan.

✔️Shunga ko‘ra, yaqin vaqtlarda eski transformator o‘rniga yangi, zamonaviy va yuqori quvvatli transformator o‘rnatilishi rejalashtirilgan. Bu esa aholini barqaror elektr energiyasi bilan ta’minlash, mavjud uzilishlar va noqulayliklarni bartaraf etishga xizmat qiladi.

✔️Deputat tomonidan ushbu masalaning ijrosi nazoratga olingan bo‘lib, amalga oshirilayotgan ishlar izchil kuzatib boriladi.