#tavsiyalar_asosida_ijtimoiy_xodim

Ijtimoiy xodim faoliyati o‘rganildi

Xalq deputatlari Kogon shahar Kengashi kotibiyati mudiri Sh. Isamutdinov hamda kotibiyat mutaxassislari I. Ikromov va Z. Temirovalar Mirzo Ulug‘bek mahalla fuqarolar yig‘inida ijtimoiy xodim faoliyati bilan tanishdilar. Tashrif davomida ijtimoiy yordamga muhtoj oilalar bilan ishlash, nogironligi bo‘lgan shaxslar va ehtiyojmand qatlamlarni qo‘llab-quvvatlash, shuningdek, fuqarolarning murojaatlari bilan ishlash holati o‘rganildi.

Shuningdek, mahallada ijtimoiy reyestrga kiritilgan oilalar bilan amalga oshirilayotgan ishlar, ularga ko‘rsatilayotgan amaliy yordamlar va xizmatlar samaradorligi yuzasidan ma’lumotlar tahlil qilindi. Mas’ullar tomonidan ijtimoiy xodim faoliyatining mazmuni, ish yuritish tartibi hamda fuqarolar bilan muloqot sifati bo‘yicha savollar berildi va tushuntirishlar tinglandi.

O‘rganish jarayonida ijtimoiy himoya tizimining mahalla darajasida samarali tashkil etilishi, aholining ehtiyojlarini o‘z vaqtida aniqlash hamda manzilli yordam ko‘rsatish masalalariga alohida e’tibor qaratildi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)