Bahor — yangilanish, bunyodkorlik va sermahsul mehnat fasli. Ayni kunlarda Sardoba tumanida keng koʻlamli obodonlashtirish ishlarini olib borish bo'yicha Sardoba tuman deputatlari fuqarolarga targ'ibot tadbirlarini olib borishi natijasida jadal sur’atlarda ishlar olib borilmoqda.

Hududlarda daraxtlar oqlanib, ariqlar tozalanmoqda, koʻchalar obod qilinib, atrof-muhit yanada fayzli koʻrinishga keltirilmoqda. Har bir mahalla va ko‘chada poklik va tartib ustuvor ahamiyat kasb etmoqda.

Shu bilan birga, bahor — dehqonchilik mavsumining eng muhim davri. Dalalar va tomorqalarda shudgor ishlari amalga oshirilib, har bir qarich yerdan unumli foydalanish maqsadida turli oziq-ovqat ekinlari ekilmoqda. Bu esa aholi farovonligini oshirish, dasturxonlarimizni to‘kin qilishga xizmat qiladi.

Sardobada har bir kun mehnat, bunyodkorlik va yangilanish bilan davom etmoqda!