Tuman deputati Olimjon Jumanazarov tomonidan “Shirin” mahallasida joylashgan tibbiyot punkti faoliyati joyiga chiqqan holda o‘rganildi. Tashrif davomida muassasaning moddiy-texnik bazasi, aholiga ko‘rsatilayotgan birlamchi tibbiy xizmatlar sifati hamda tibbiyot xodimlarining ish faoliyati atroflicha tahlil qilindi. Shuningdek, mavjud muammolarni aniqlash va ularni bartaraf etish yuzasidan mas’ullarga zarur tavsiyalar berildi.

Bundan tashqari, deputat hududdagi umumta’lim maktabi o‘quvchilarning tibbiy ko‘rikdan o‘tkazilishi uchun yaratilgan shart-sharoitlar bilan yaqindan tanishdi. Jarayonning tashkil etilishi, sanitariya-gigiyena talablari hamda o‘quvchilar salomatligini muntazam nazorat qilish bo‘yicha olib borilayotgan ishlar yuzasidan fikrlar almashildi.

Tashrif yakunida aniqlangan kamchiliklarni bartaraf etish, tibbiy xizmatlar sifatini yanada oshirish hamda aholiga qulayliklar yaratish bo‘yicha tegishli chora-tadbirlar belgilab olindi.