Xalq deputatlari tuman Kengashi kotibiyat mudiri G.Bobojonova tomonidan tumandagi 2-davlat maktabgacha ta’lim tashkiloti faoliyati o‘rganildi. Tashrif davomida muassasada bolalarga yaratilgan shart-sharoitlar, ta’lim-tarbiya jarayoni, tarbiyachilarning
faoliyati hamda bolalarning bo‘sh vaqtlarini mazmunli tashkil etish bo‘yicha amalga oshirilayotgan ishlar bilan yaqindan tanishildi. 

O‘rganish jarayonida muassasaning o‘quv xonalari, oshxonasi, tibbiyot xonasi, musiqa va sport mashg‘ulotlari o‘tkaziladigan
xonalar ko‘zdan kechirildi. Shuningdek, bolalarning sog‘lom ovqatlanishi, sanitariya-gigiena talablariga rioya qilinishi hamda xavfsizlik choralarining ta’minlanganligiga alohida e’tibor qaratildi. G.Bobojonova muassasa rahbariyati va pedagog xodimlar bilan suhbat o‘tkazib, maktabgacha ta’lim tizimida amalga oshirilayotgan islohotlar, ta’lim sifatini oshirish, zamonaviy pedagogik usullardan samarali foydalanish hamda yosh avlodni har tomonlama barkamol etib tarbiyalash masalalari yuzasidan fikr almashdi.