Қораполвон маҳалла фуқаролар йиғинида “Янги Ўзбекистон қиёфасидаги маҳалла” дастури, тармоқ дастурлари ҳамда ташаббусли бюджет лойиҳалари доирасида кенг кўламли ишлар амалга оширилиши режалаштирилган.

Мазкур лойиҳалар асосида: ▫️ ҳудудда сувсизлиги сабабли фойдаланилмай келаётган 50 гектар ер майдонини суғориш суви билан таъминлаш;

▫️ маҳалла инфратузилмасини тубдан яхшилаш;

▫️ янги иш ўринларини яратиш

кўзда тутилган.

💰 2026 йил давомида ушбу мақсадлар учун жами 7,9 миллиард сўм маблағ йўналтирилиши белгиланган бўлиб, бу маҳалла қиёфасини тубдан ўзгартиришга хизмат қилади.

👥 Қораполвон округидан сайланган туман Кенгаши депутати Икромжон Қодиров маҳалла “еттилиги” ва фаол нуронийлар билан учрашиб, олдинда турган устувор вазифаларни муҳокама қилди.

📌 Учрашувда: ▫️ ҳар бир ишга масъулият билан ёндашиш;

▫️ аҳоли фаоллигини ошириш;

▫️ яратилаётган имкониятлардан самарали фойдаланиш

масалаларига алоҳида эътибор қаратилди.

🚧 Шунингдек, амалий ишлар юзасидан: ▫️ асфальтлаш ишларига тайёргарлик;

▫️ электр тармоғи таянчларини кўчириш;

▫️ йўл остидан суғориш тизимларини ўтказиш;

▫️ ёмғир сувларини тўғри йўналтириш;

▫️ хонадонларда ободонлаштириш ишларини олиб бориш

бўйича келишиб олинди.

✅ Ушбу ташаббуслар маҳаллада замонавий инфратузилмани шакллантириш, аҳоли турмуш фаровонлигини ошириш ҳамда ҳудудни янада обод ва кўркам масканга айлантиришга хизмат қилади.

Slide 1 of 3