Xalq deputatlari Qo‘qon shahar Kengashi 25-"Mustaqillik‘" saylov okrugi deputati E.Sadikova tomonidan “Mustaqillik” mahalla fuqarolar yig’inida fuqarolarni murojaatlarini o‘rganish bo‘yicha uchrashuv o‘tkazildi. 

Uchrashuv davomida mahalla ettiligi hamda yoshlar yetakchisi hamkorligida mahalladagi mavjud muammolar, aholini qiynayotgan masalalar va ularning amaliy yechimlari atroflicha muhokama qilindi.

Har oyda “Muammo va yechim” ochiq qabul kunlarini tashkil etish orqali aholi murojaatlarini tizimli hal qilish, Yoshlar bilan alohida uchrashuvlar o‘tkazib, ularning qiziqishlari yuzasidan sohaga yo‘naltirish hamda ularni taklif va g’oyalarini qo‘llab-quvvatlash va amaliy yordam berish masalasi ko‘rib chiqildi.

“Mustaqillik” mahalla fuqarolar yig’ini yoshlar yetakchisi B.Ahmedov bilan Oliy ta’lim muassasasida o‘qiyotgan yoshlarni kontrakt to‘lovlari hamda ularni bandligi bo‘yicha suhbat o‘tkazildi. Mavjud muammolarni hal qilish bo‘yicha kerakli tavsiyalar berildi. Uchrashuv yakunida deputat tomonidan barcha ko‘tarilgan masalalar shaxsiy nazoratga olinib, amaliy yechimlar yuzasidan aniq muddat va mas’ullar belgilab olindi.