"Do‘stlik" mahallasida ichimlik suvi muammosi va uning yechimi o‘rganildi

Xalq deputatlari Termiz tuman Kengashi kotibiyat mudiri A.Avliyakulov hamda deputat A.Abdullayev "Do‘stlik" mahallasida bo‘lib, aholini ichimlik suvi bilan ta’minlash borasidagi ishlarni tanqidiy o‘rgandilar.

O‘rganish natijalari:

Holat: Mahalladagi suv inshooti 2023-yilda Prezidentning PQ-408-sonli qarori asosida qurilgan. Barcha asosiy ishlar yakunlangan bo‘lsa-da, aholi hali ham suv bilan ta’minlanmagan.

Sabab: Inshootdan xonadonlarga suv yetkazib berish uchun 5 km masofaga har xil o‘lchamdagi suv quvurlari yotqizilishi zarur. Shuningdek, texnikalar ishlashi uchun 3 ming litr yoqilg‘i (solyarka) mahsuloti talab etilmoqda.

Vazifa: Qolgan barcha texnik va montaj ishlari tuman "Suv ta’minoti" korxonasi tomonidan amalga oshirilishi belgilab olindi.

Xulosa: Mazkur muammoni hal etish va zaruriy asbob-uskunalar bilan ta’minlash yuzasidan tegishli tashkilotlarga deputatlik so‘rovi yuborildi hamda ijrosi nazoratga olindi.