Xalq deputatlari Toshloq tuman Kengashi deputati M.Nazarova Jarqishloq mahalla fuqarolar yig‘inida xotin-qizlar bandligini ta’minlash va ularni tadbirkorlik faoliyatiga jalb etishda olib borilayotgan ishlarni o‘rgandi.

O‘rganishlar davomida deputat shirinliklar tayyorlash bilan shug‘ullanuvchi va kasanachilik yo‘nalishida beshiklar uchun zamonaviy aksessuarlar va boshqa zarur buyumlarni tayyorlaydigan tadbirkor ayollar faoliyati bilan tanishdi. Ushbu yo‘nalishlarda mahalla hududida yashovchi 7 nafar ayolning bandligi ta’minlanganligi qayd etildi.

M.Nazarova mahalla fuqarolar yig‘ini tomonidan xotin-qizlarning mehnat salohiyatini oshirish va bandligini ta’minlash maqsadida olib borilayotgan loyihalar ahamiyatini alohida ta’kidladi.