Xalq deputatlari Angor tumani Kengashi deputati Qo‘ziyeva Shoira o‘z hududida joylashgan 9-sonli Bolalar musiqa va san’at maktabi faoliyatini o‘rganib chiqdi. Mazkur o‘rganish jarayonida Kengash kotibiyati mudiri Raximqulov Jamshid hamrohlik qildi. Maktabda 7 yoshdan 12 yoshgacha bo‘lgan bolalar uchun tasviriy san’at, haykaltaroshlik hamda fortepiano yo‘nalishlari bo‘yicha to‘garaklar faoliyat yuritayotgani, yoshlarning ijodiy qobiliyatlarini rivojlantirishga keng imkoniyatlar yaratilgani alohida qayd etildi.Deputat tomonidan ta’lim muassasasidagi shart-sharoitlar, o‘quv jarayoni hamda o‘quvchilarning ijodiy faolligi o‘rganilib, bu boradagi ishlarni yanada takomillashtirish yuzasidan tavsiyalar berildi.