Xalq deputatlari Muzrabot tumani Kengashi kotibiyati mudiri D.Sherboyev kunlik Ish rejasiga asosan tuman Kengashi deputati R.Korakulov saylangan 6-Duoba saylov okrugiga qarashli “Yakkatol” mahallasida bo‘lib, “mahalla yettiligi” a’zolari bilan suhbat o‘tkazdi.

Bundan ko‘zlangan asosiy maqsad, O‘zbekiston Respublikasi Oliy Majlisi Senati raisining 2025-yil 14-yanvardagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida” gi KQ-35–V-sonli Qarorida belgilab berilgan vazifalarni bajarish uchun mahallada deputatlar bilan “mahalla yettiligi”ning o‘zaro hamkorligini kuchaytirish, aniqlangan hamda fuqarolar qabullari jarayonida ko‘tarilgan turli masalalarga doir muammolarni hal etish choralari birgalik ko‘rib borib, aholini rozi qilishdan iboratdir.

Suhbat davomida mahallada amalga oshirilishi lozim bo‘lgan dolzarb masalalar ham muhokama qilindi. Mahalla hududini obodonlashtirish, infratuzilmani yaxshilash hamda aholi turmush sharoitlarini yanada yaxshilashga qaratilgan masalalar yuzasidan fikr almashildi.

Shuningdek, deputat mahalla hududiga chiqib, dehqonchilik va tadbirkorlik faoliyati bilan shug‘ullanayotgan fuqarolar xonadonlariga bordi.

Fuqaro Murtazayeva Dilfuza 33 mln kredit olib, 3 sotix yer maydoniga issiqxona tashkil etgan. Buning natijasida 2 nafar fuqaroning ish bilan bandligi ta’minlagan,

Fuqaro Mamatqulova Shaxnoza esa 50 mln kredit olib muzqaymoq ishlab chiqaruvchi apparati hamda qandolat ishlab chiqarish apparatini xarid qilib, faoliyat yuritmoqda. Ushbu fuqarolarga mahalladagi hokim yordamchisi ko‘magi bilan imtiyozli ravishda kredit mablag‘lari chiqarilishiga yordam berilgan.

Tanishish jarayonida fuqarolarning mavjud muammolari va takliflari tinglandi. Ayrim masalalar ijobiy yechimini qilish maqsadida deputatlar tomonidan qayd qilib olindi.