Xalq deputatlari Muzrabot tuman Kengashiga 1–“Oqoltin” saylov okrugidan saylangan deputati Choriyeva Dilfuza tomonidan tuman Kengashi kotibiyati bosh mutaxassisi Sh.Shoymardanov harohligida 2026-yilning birinchi yarim yilligi uchun tasdiqlangan saylovchilar bilan uchrashuvlar JADVALIga asosan tumandagi “Muzrabot darvoza” mahallasida saylovchilar bilan uchrashuv o‘tkazildi.

Yig‘ilish avvalida ishtirokchilarga hozirgi kunda davlatimizda amalga oshirilayotgan islohotlar, yangiliklar imtiyozlar, imkoniyatlar, qabul qilingan qonun xujjatlarining mazmun-mohiyati va prezidentimiz tomonidan sohaviy yo‘nalishlar bo‘yicha o‘tkazilgan videoselektor yig‘ilishlar haqida, davlat rahbarimizning chet el mamlakatlariga qilgan tashriflari maqsadlari to‘g‘risida tushuntirib, ma’lumotlar berildi.

Uchrashuv davomida mahalla fuqarolari tomonidan hududda mavjud dolzarb muammolar ko‘tarilib, jumladan, ichki ko‘chalarni asfaltlash hamda boshqa masalalari atroflicha muhokama qilindi.

Mazkur muammolarni bartaraf etish yuzasidan deputat tomonidan tegishli chora-tadbirlar belgilanib, mas’ul korxona va tashkilotlarga deputatlik so‘rovnoma yuborish bo‘yicha kelishib olindi. Ko‘tarilgan masalalar deputat tomonidan nazoratiga olindi.

Bu kabi uchrashuvlar tuman Kengashi deputatlari tomonidan reja asosida mahallalarda doimiy tarzda o‘tkazilib kelinmoqda.