7-Наврўз сайлов округидан сайланган депутат Чингизбек Давронович Ахмедов, депутат Ф.Мирзарахимова ҳамда котибият бош мутахассиси А.Отажоновлар иштирокида Нарўз МФЙда аҳолини камбағалликдан чиқариш ва бандлигини таъминлаш борасида амалга оширилаётган ишлар ўрганилди.

Ўрганишлар давомида маълум бўлишича, ҳудудда бугунги кунда 48 та тадбиркорлик субъектлари фаолият юритмоқда. Жорий йилда ҳоким ёрдамчиси томонидан тадбиркорликни ривожлантириш мақсадида 16 нафар фуқарога жами 255 млн сўм имтиёзли кредит ажратилган.

36 нафарга 3,6 гектар ер ажратилиб, қишлоқ хўжалиги маҳсулотлари етиштирилмоқда.

Камбағаллик рўйхатидаги 27 та оиланинг 6 тасига ускуналар берилган, 4 нафарига кредит ажратилган, 7 нафари иш билан таъминланган.

Амалга оширилаётган манзилли чора-тадбирлар натижасида маҳаллада камбағаллик даражаси 1,5 фоизни ташкил этмоқда.