Búgin Xalıq deputatları Taxtakópir rayonlıq Keńes sekretariatı baslıǵı T.Jusipov tárepinen ózi saylanǵan A.Adilov máhállesindegi 1 km uzınlıqtaǵı ishki jolǵa qara asfalt qaplamasın jatqızıw jumıslarınıń barısı menen tanıstı.  

Atap aytqanda, Xalıq deputatları Taxtakópir rayonlıq Keńesiniń 

2026-jıl 27-yanvar kúngi VII-17-8-13-189-K/26-sanlı sheshimi menen 

1 km uzınlıqtaǵı ishki jolǵa qara asfalt qaplamasın jatqızıw hám 

50 dana túngi jaqtılandırıw shıraqların ornatıw ushın Respublika byudjeti esabınan 1,5 mlrd swm qarjı ajıratılıwı belgilengen bolıp, búgingi kúnde asfalt jatqızıwǵa tayarlaw jumısları baslanǵan. 

Bunday ámeliy jumıslar puqaralardıń turmıs dárejesin jaqsılaw, jasaw ortalıǵın jáne de abat hám qolaylı etiwge xızmet etedi.

Máhálle infrastrukturasın rawajlandırıw boyınsha jumıslar izbe-izlikte dawam ettiriledi.