O‘zbekiston Xalq demokratik partiyasi Markaziy Kengashi tomonidan “Kuchli ijtimoiy siyosatni amalga oshirishga intilamiz” shiori ostida o‘tkazilgan “Eng faol deputat” ko‘rik-tanlovining respublika bosqichida xalq deputatlari Tuproqqal’a tumani Kengashi raisi ham munosib ishtirok etdi.

Mazkur tanlov deputatlarning hududlarda olib borayotgan amaliy ishlari, aholi muammolarini hal etishdagi faolligi, qonunchilik tashabbuslari hamda ijtimoiy himoyaga muhtoj qatlamlarni qo‘llab-quvvatlash borasidagi sa’y-harakatlarini baholashga qaratilgan.

Unda Tuproqqal’a tumani vakili tomonidan hududda yoshlar, xotin-qizlar va ehtiyojmand fuqarolar bilan ishlash, ularning muammolariga yechim topish, ijtimoiy loyihalarni amalga oshirish borasida olib borilayotgan ishlar keng yoritildi.

Tanlov doirasida ilg‘or tajribalar almashildi, deputatlik faoliyatini yanada samarali tashkil etish yuzasidan muhim taklif va tavsiyalar bildirildi.