Hududdagi investitsiya bo'yicha holat o'rganildi

🔷Xalq deputatlari Chinoz tumani Kengashiga O‘zLiDeP partiyasidan 8-Gulzarobod saylov okrugidan saylangan deputat Muqim Erxo‘jayev nomidan, Kengash kotibiyati mudiri Asqar Baxramov tomonidan hududda investitsiya yo‘nalishidagi ishlar holati o‘rganildi.

📝O‘rganish jarayonida tuman hokimligining Investitsiyalarni jalb qilish va eksportni rivojlantirish sho‘basi bosh mutaxassisi M. Qodirov bilan hamkorlikda ish olib borildi. Jumladan, Oydin MFY hududida Xitoy Xalq Respublikasi investorlari tomonidan tashkil etilgan “Xengfey” MChJ XK faoliyati bilan yaqindan tanishildi.

🔹Mazkur korxona tomonidan umumiy qiymati 12,0 million AQSh dollariga teng bo‘lgan zamonaviy isitish tizimlari ishlab chiqarish yo‘lga qo‘yilgan bo‘lib, bugungi kunda 10 turdagi isitish radiatorlari ishlab chiqarilmoqda. Korxonada jami 100 ta yangi ish o‘rinlari yaratilgan bo‘lib, ishlab chiqarish jarayoni 2 smenada tashkil etilgan.

🔷Shuningdek, korxonada ishchilar uchun yaratilgan shart-sharoitlar ko‘zdan kechirilib, faoliyatni yanada takomillashtirish yuzasidan tegishli tavsiyalar berildi.