DAVLAT XIZMATLARI VA FHDYO ORGANLARIDA FUQAROLARGA XIZMAT KO‘RSATILISHI HOLATI O‘RGANILDI 

  🔰 Xalq deputatlari Chinoz tumani Kengashiga “Adolat” SDP partiyasidan 14-Navro‘z saylov okrugidan saylangan deputat Nargiza Abdukadirova nomidan kotibiyat bosh mutaxassisi D. Ulug‘bekova Kengash ish rejasiga muvofiq tumandagi Davlat xizmatlari markazi hamda FHDYO organida fuqarolarga xizmat ko‘rsatish holatini o‘rgandi.

📝 O‘rganish jarayonida FHDYO bo‘limi mudirasi Shohida Ukiboyeva tomonidan murojaatlar tahlil qilinib, ajrim, tug‘ilish va nikoh masalalari bo‘yicha bir kunda o‘rtacha 80 ta murojaat kelib tushayotgani ma’lum qilindi. Shundan 11 tasi ajrim bilan bog‘liq murojaatlardir.

📊 Shuningdek, fuqarolarga xizmat ko‘rsatish sifati, murojaatlarni qabul qilish va ko‘rib chiqish tartibi, navbat tizimi, hujjatlarni rasmiylashtirish jarayonlarining shaffofligi hamda aholiga yaratilgan qulayliklar atroflicha o‘rganildi.

✅ O‘rganish yakunida xizmat ko‘rsatish jarayonida yuzaga kelishi mumkin bo‘lgan muammolar va tashkiliy masalalar yuzasidan mas’ullarga tegishli tavsiya hamda ko‘rsatmalar berildi.