Deputat mahalladagi tibbiy xizmatlar holatini o‘rgandi

Xalq deputatlari Sherobod tumani Kengashining 18-Cho‘yinchi–Qishloqbozor saylov okrugi deputati B. Toshpo‘latov tomonidan “Qishloqbozor” mahallasi hududida joylashgan 87-Chuqrko‘l oilaviy poliklinikasiga qarashli Qishloqbozor filialida o‘rganish ishlari olib borildi.

🏥 O‘rganish jarayonida muassasada aholiga ko‘rsatilayotgan birlamchi tibbiy xizmatlar sifati, mavjud shart-sharoitlar hamda profilaktik tadbirlarning tashkil etilish holati atroflicha tahlil qilindi.

📊 Deputat tomonidan tibbiy xizmatlar sifatini yanada oshirish, kasalliklarni erta aniqlash va oldini olish bo‘yicha profilaktik ishlarni kuchaytirish yuzasidan aniq vazifalar belgilab berildi.

👩‍⚕️ Shuningdek, tibbiyot xodimlari bilan o‘tkazilgan muloqot davomida xizmat ko‘rsatish madaniyatini yuksaltirish, aholining tibbiy savodxonligini oshirish hamda mavjud muammolarni bartaraf etish yuzasidan tegishli ko‘rsatmalar berildi.