Xalıq deputatları Taxtakópir rayonlıq Keńesine ÓzLiDeP partiyasınan saylanǵan deputat Sagindikova Aynagúl Djubatxanovna hám ÓzLiDeP rayonlıq Keńesi apparat baslıǵı Jubanıshov Ziyadulla Xamidullaevich birgelikte "Keleshek" orayınıń jumısı menen jaqınnan tanıstı. 

Úyreniw dawamında jańadan shólkemlestirilgen orayda balalardıń bos waqtın mazmunlı shólkemlestiriw, olardıń talant hám qábiletlerin júzege shıǵarıw baǵdarında ámelge asırılıp atırǵan jumıslar dodalandı. Sonday-aq, keleshekte orınlanıwı kerek bolǵan tiykarǵı wazıypalar, jaslar menen islesiw nátiyjeliligin bunnan bılay da arttırıw máseleleri boyınsha pikir alısdı.