A.Temur” mahallasini kompleks rivojlantirish dasturi ijrosi o‘rganildi

Xalq deputatlari Muborak tumani Kengashi kotibiyat mudiri A. Qurbonov, kotibiyat bosh mutaxassisi — ekspert guruhi kotibi D. Kenjayeva, 10-A.Temur saylov okrugi deputati N. Komilova, ekspert guruhi a’zosi — O‘zbekiston Xalq demokratik partiyasi tuman kengashi raisi B. Choriyev hamda yoshlar maslahat guruhi a’zosi S. Nurillayevlar ishtirokida “A.Temur” mahallasida o‘rganish ishlari olib borildi.

🔺Mazkur o‘rganish O‘zbekiston Respublikasi Prezidentining 2025-yil 8-oktabrdagi PQ-298-sonli qarori asosida, “Yangi O‘zbekiston qiyofasidagi” mahallalarni rivojlantirish bo‘yicha manzilli dastur doirasida amalga oshirildi.

🔺O‘rganish davomida hududda tadbirkorlikni rivojlantirish, transport xizmatlari uchun qulay sharoitlar yaratish, bolalar va sport maydonchalari, yashil hududlar hamda piyodalar yo‘laklarini barpo etish, shuningdek sanoat, qishloq xo‘jaligi, xizmat va turizm yo‘nalishlarini rivojlantirish uchun infratuzilmani shakllantirish masalalari tahlil qilindi.

🔺Shuningdek, ijtimoiy soha obyektlarini “yashil tamoyillar” asosida qurish va ta’mirlash, mahalla ko‘chalarini obodonlashtirish, aholiga qulaylik va xavfsizlik yaratish borasidagi ishlar ko‘zdan kechirildi.

✅ Hozirda loyiha buyurtmachi tashkilot — OKS orqali tender savdolariga qo‘yilgan bo‘lib, belgilangan vazifalarning sifatli ijrosini ta’minlash yuzasidan tegishli tavsiyalar berildi.