Mazkur yig‘ilishda Xalq deputatlari tuman Kengashi deputati U. Xudayberdiyev faol ishtirok etib, qaror ijrosi ustidan deputatlik nazoratini olib borish, bolalar uchun sog‘lom va sifatli ovqatlanish tizimini yo‘lga qo‘yishning ahamiyatiga alohida to‘xtalib o‘tdi. 

Shuningdek, tadbirda tuman tibbiyot birlashmasi boshlig‘i M. Raxmonov, tuman prokuraturasi katta yordamchisi B.Shokirov hamda tuman SEO va JS bo‘limi boshlig‘i M. Ostanaqulovlar ishtirok etib, sohaga oid dolzarb masalalar yuzasidan o‘z fikr-mulohazalarini bildirdilar. 

Yig‘ilish yakunida deputat tomonidan mas’ullarga maktabgacha ta’lim tashkilotlarida ovqatlanish sifatini yaxshilash, sanitariya-gigiyena talablariga qat’iy rioya etish, oziq-ovqat mahsulotlarining xavfsizligi va sifatini doimiy nazoratga olish yuzasidan aniq topshiriqlar berildi.