Toshloq tumani Iqtisodiyot va moliya bo‘limi tomonidan xalq deputatlari tuman Kengashi deputati M.Nazarovaning 2026-yil 17-apreldagi deputat so‘roviga rasmiy javob taqdim etildi. 

Unda ma’lum qilinishicha, fuqarolarning budjet jarayonlaridagi ishtirokini kengaytirishga qaratilgan qarorlar asosida Toshloq tumanida ham tizimli ishlar olib borilmoqda. Xususan, 2025-yil tashabbusli budjet jarayonining 2-bosqichi yakunlariga ko‘ra, tumanda umumiy
qiymati 20 milliard 986 million 870 ming 838 so‘mni tashkil etuvchi 14 ta loyiha g‘olib deb topilgan. Mazkur loyihalarning 13 tasi o‘z vaqtida moliyalashtirilib, belgilangan muddatlarda foydalanishga topshirilgan.  

Hozirgi kunda Toshloq tuman 21-umumiy o‘rta ta’lim maktabi filialiga 6 xonadan iborat 2 qavatli qo‘shimcha o‘quv binosi qurish loyihasida qurilish ta’mirlash ishlari olib borilmoqda.