Xalq deputatlari Zomin tuman Kengashi deputati Y.Safarov tomonidan "Jizzax suv ta'minoti" AJ Zomin tuman filiali tomonidan "Yashil makon" umummilliy loyihasi doirasida hududda ekilgan ko'chatlar holati joyiga chiqib o'rganildi.

O'rganish davomida hududda amalga oshirilgan ko'kalamzorlashtirish ishlari, ekilgan daraxt va manzarali ko'chatlarning parvarish darajasi, ularni sug'orish tizimi, agrotexnik tadbirlarning o'z vaqtida bajarilishi hamda ko'chatlarning yashovchanlik holati atroflicha tahlil qilindi. Shuningdek, mavjud muammolar, xususan, ayrim hududlarda sug'orish tizimining yetarli darajada yo'lga qo'yilmagani va parvarish ishlarini yanada kuchaytirish zarurligi ta'kidlandi.

Deputat tomonidan mas'ul tashkilot vakillariga har bir ekilgan ko'chatni asrab-avaylash, ularning to'liq ildiz otib, sog'lom o'sishini ta'minlash hamda mavsumiy parvarish ishlarini sifatli tashkil etish yuzasidan aniq ko'rsatma va tavsiyalar berildi.