Xalq deputatlari Mirzo Ulug‘bek tumani Kengashining “Beshkapa” saylov okrugidan saylangan deputat Irina Matkarimova saylovchilar bilan o‘tkazilgan uchrashuv davomida 2026-yilning birinchi choragida amalga oshirilgan deputatlik faoliyati yuzasidan axborot berdi.

O‘tkazilgan yig‘ilishda “Madad” NNT, kommunal xizmat ko‘rsatish korxonalari vakillari ham ishtirok etdi. Tadbir davomida fuqarolarning taklif va murojaatlari yuzasidan suhbatlar o‘tkazildi.

Shuningdek, “Madad” NNT vakili tomonidan murojaat qilgan fuqarolarga o‘z huquqlari va qonuniy manfaatlarini himoya qilishning amaldagi huquqiy mexanizmlari, sud va sudgacha bo‘lgan tartibda murojaat qilish yo‘llari va huquqiy masalalarni hal etishda keyingi harakatlar batafsil tushuntirildi.