Deputat tashabbusi bilan sayyor tibbiy xizmat

Xalq deputatlari Yunusobod tuman Kengashi deputati Eshonxodjayev Otabek Djurayevich tashabbusi bilan Yunusobod tumani 51-sonli oilaviy poliklinikasida sayyor tibbiy ko‘rik tashkil etildi. Mazkur tibbiy tadbir 20-Jomiy okrugi hududiga kiruvchi Jomiy, Iftihor va Yangiariq mahallalari aholisini qamrab oldi.

Ko‘rik jarayoniga respublikaning yetakchi tor mutaxassislari jalb etilib, fuqarolar uchun malakali tibbiy xizmat ko‘rsatildi. Tadbir davomida 140 nafardan ortiq fuqaro chuqurlashtirilgan tibbiy tekshiruvdan o‘tkazildi.

Ko‘rik davomida fuqarolarga individual yondashuv asosida tibbiy maslahatlar berildi, zarur holatlarda esa qo‘shimcha tekshiruv va davolanish uchun tegishli yo‘llanmalar tavsiya etildi. Ushbu tashabbus aholi salomatligini mustahkamlash, kasalliklarni erta aniqlash va profilaktika ishlarini kuchaytirishda muhim ahamiyat kasb etdi.

Bizni kuzatishda davom eting!

🌐 Telegram