Chilonzor tumani hokimi o'rinbosari M.Abdukadirov hamda xalq deputatlari Chilonzor tumani Kengashi deputati Saidov Ulug'bek Aripovich ishtirokida navbatdagi sayyor qabul bo'lib o'tdi.

Qabul davomida deputat 11-Ko'tarma saylov okrugiga qarashli mahallalarda istiqomat qiluvchi fuqarolarga 2026-yilning I- choragi davomida amalga oshirgan faoliyati yuzasidan batafsil axborot berdi.

 Uchrashuvda mahallalarda yashovchi fuqarolar va yoshlar faol qatnashib, ochiq muloqot tashkil etildi.

 Hisobot davomida deputat tomonidan hududda amalga oshirilgan ishlar, fuqarolar murojaatlarini o‘rganish, aniqlangan muammolar hamda ularni bartaraf etish bo‘yicha ko‘rilgan choralar yuzasidan batafsil ma’lumot berildi. Ta’kidlanganidek, murojaatlar asosida bir qator masalalar joyida hal etilib, ayrimlari yuzasidan tegishli tashkilotlar bilan hamkorlikda ishlar olib borilmoqda.

 Uchrashuv yakunida fuqarolar tomonidan kelib tushgan murojaatlar joyiga chiqib o'rganildi, ularni hal etish bo‘yicha mas’ul tashkilotlar bilan hamkorlik davom ettirilishi ta’kidlandi.