Xalq deputatlari Angor tuman Kengashi raisi Qo'zimurotov Abdisalom Javliyevich tomonidan Karvon mahallasi hududida faoliyat yuritayotgan “mahalla yettiligi” tizimi ish faoliyati o‘rganildi. O‘rganish jarayonida mahallada ijtimoiy-iqtisodiy holatni yaxshilash, aholi murojaatlari bilan ishlash, xonadonbay yurishlar tashkil etish hamda ehtiyojmand oilalarni qo‘llab-quvvatlash borasida amalga oshirilayotgan ishlar holati tahlil qilindi. Shuningdek, “mahalla yettiligi” a’zolarining hamkorlikdagi faoliyati, mas’ul tashkilotlar bilan o‘zaro hamjihatlikda ishlash mexanizmlari ham ko‘rib chiqildi. Tashrif davomida aniqlangan masalalar yuzasidan tegishli mutasaddilarga zarur tavsiyalar berilib, mahalla hududida ijtimoiy muammolarni o‘z vaqtida bartaraf etish, aholi bilan manzilli ishlash samaradorligini yanada oshirish bo‘yicha aniq vazifalar belgilab olindi.