Búgingi kúnde Xalıq deputatları Bozataw rayonlıq Keńesi quramında 15 deputat bolsa, sonnan 6 hayal deputat jumıs alıp barmaqta. Hayal deputatlar aymaqlarda ámelge asırılıp atırǵan reformalarda belsene qatnasıp, xalıqtı oylandırıp atırǵan áhmiyetli máselelerdi kóteriw, puqaralardıń múrájatların úyreniw hám olardıń sheshimine járdemlesiw baǵdarında nátiyjeli jumıs alıp barmaqta.

Atap aytqanda, olar:

xalıq penen ushırasıwlar ótkeriw,

sociallıq mashqalalardı anıqlaw hám sheshiw,

hayal-qızlardıń bántligin támiyinlew,

jaslar tárbiyası hám shańaraq qádiriyatların bekkemlew,

aymaqlardı sociallıq-ekonomikalıq rawajlandırıwǵa baylanıslı baslamalardı alǵa qoyıw sıyaqlı baǵdarlarda belsene qatnaspaqta.

Sonıń menen birge, hayal deputatlarımız jámiyette hayal-qızlardıń huqıqları menen máplerin qorǵaw, olardıń baslamaların qollap-quwatlaw hám hár qıylı sociallıq joybarlardı ámelge asırıwda da áhmiyetli orın iyelemekte.

Olardıń pidayı miyneti jámiyette hayal-qızlardıń rolin ele de kúsheytiw, jańa ideya hám baslamalardı turmısqa engiziw hámde aymaqtıń rawajlanıwına múnásip úles qosıwǵa xızmet etpekte.

Deputat hayallarımız - jámiyettiń rawajlanıwı, turaqlı rawajlanıw hám keleshek dóretiwshiliginde belsene qatnasıp atırǵan jetik isker wákiller.